طريقة عمل الصابون بالمنزل بطريقةسهلة وسريعة

طريقة عمل الصابون فى المنزل بالصور

ازيكم يا فتوكاتى من زمااااااااااااااااان مش كتبتلكم موضوع ويا رب اقدر افيدكم انهاردة بموضوعى

الصابون دة انا جربتة فغسيل الالمونيوم خاصة بيخليها بتلمع بجد والله مش هزار وهتجربوا بنفسكم


طريقة عمل صابون الغسيل في البيت


انا النهاردة بقي جايبلكم طريقة عمل الصابون هي سهله خالص وبتوفر كمان يعني حنحتاج زيت طعام تموين وممكن

نستعمل الزيت اللي قلينا فيه بدل ما نرميه نحوشه في زجاجة زيت لغايه ما نملاها بس مش الزيت اللي قلينا فيه السمك

ونجيب كيلو دقيق وممكن نستعمل الدقيق القديم اللي فيه سوس بدل ما نرميه بس لازم نغربله من السوس كويس

ونجيب باتنين جنيه بطاس وزيت ليمون باتنين جنيه او ممكن نعصر خمس لمونات في الخلطة

طريقة عمل الصابون فى المنزل بالصور

المقادير


زجاجة زيت وكيلو دقيق او علي قد ما تاخد منا الخلطة

باتنين جنيه بطاس او صودا الماني

باتنين جنيه زيت لمون او ريحة ليمون او ممكن نحط خمس لمون متوسطة

الطريقة

نجيب اي جردل بلاستيك نحط فيه الزيت ونضيف ليه البطاس بعد ما ندوبه في كوب مياة ونحط الليمون ونضيف الدقيق

بالتدريج ونقلب لغايه ما الخلطة تبقي متماسكة بس لازم نقلب بحاجة

خشب وممنوع نحط ايدنا علشان البطاس بيبقي سخن

بعد الخلطة ما تبقي جاهزة نحطها في درج مطبخ بعد ما نفرشة بمشمع علشان ميتبهدلش وتاني يوم نقطعة زي الصابون

اللي بنشتريه ونخليه لغايه ما ينشف واستعمليه بقي للمواعين والغسيل ومقولكيش بقي لو عندك بيبي اغسلي غياراته



بيه وادعيلي معلش طولت عليكم يارب تعجبكم وتفيدكم ...


وارجو التقييم لتعم الفايدة

ولا تنسونى من صالح دعائكم بالشفاء وصلاح الحال

ياربيارب

فكره حلوه كتيير
وسهله  
يسلمووو حبيبتي  

ما شاء الله طريقة سهلة
بجربها
يسلمو على الموضوووع